معقول للشاعر أحمد اسماعيل
معقول
معقول فى الدنيا كده
جمال بالشكل ده
النسيم ع الخد صبح
والرموش سهام تجرح
والشفايف ورد يطرح
حاجه بصراحه تفرح
شعرها ع الكتف نازل
نار تكيد كل العوازل
ودق قلبى طالع ونازل
خلى عقلى فيها يسرح
قلبى شافها طار وسابنى
اعمل ايه والشوق غلبنى
ملكه مرسومه ف خيالى
اه ياحيرتى و انشغالى
اضحكى مره / اسعدينى
واطبعى قُبله ف جبينى
ضحكة ها تحقق امالى
خُدينى فى حضنك خُدينى
ده جمال والله مثالى
امتى تيجى و تحضنينى
شعر احمد اسماعيل / شاعر العرب
تعليقات
إرسال تعليق