غيابي للشاعر: احمد اسماعيل / شاعر العرب
غيابى
يامن لغيابى تتوجع
ده انا مسيرى ف يوم ارجع
واضمك بين ثنايا الروح
وحضنى لك يكون مفتوح
بحبك فوق ماتتخيل
ومهما البُعد هايطول
انا راجع لمحبوبى
نصيبى انت ومكتوبى
ياطير الشوق طير اسبقنى
وقول لحبيبى يلحقنى
انا العطشان لبحر الشوق
خلاص اهدى ياقلبى وروق
يابحر العشق طاوعنى
بحضن حبيبى متعنى
انا عاشق عيونه السود
وليه موجك بيمنعنى
انا خطيت جبال وسدود
هدوئك ده بيخدعنى
زمان قالوا البحر له اسرار
حنين أه لكن غدار
قلوب د ابت فى اسراره
دموع سالت فى اغواره
ولا تأمن لبحر الشوق
و الا تنكوى بناره
ومهما تزيدى يامواجع
حبيبه قلبى أنا راجع
شعر احمد اسماعيل / شاعر العرب
تعليقات
إرسال تعليق