كان عنا دراما للشاعر نذير دهان
((( كان عنا دراماياحيف ع اياما)))
***************************
لما كانت المسلسلات المتنفس الوحيد لنا ولاولادنا والمفروض تصقلنا وتقوم اعوجاجاتنا وترتقي بنا إلى الاعلى وتهذب اخلاقنا واذواقنا ولكن الذي حصل ان الدراما السورية للأسف الشديد تنحدر بنا فإن الجنس هو الرائد الأول بها ،،،لا ننكر باننابالسابق قدمنا مسلسلات رائعه هذا كان بالامس ،،،،،أما اليوم؟؟؟؟؟!!!!!مليون آه وياحسره
**************************
يادرامانا السورية فيكي
شو صار
كانت طلتك بهيه
تشعشع أنوار
ناجحه ميه بالمية
وهلق ياحيف
صرتي بحاله مرزيه
دولابك دار
*******************
كنا ننطر المسلسل
بلهفه وشوق
موضوع مدروس ومعدل
وكلو ذوق
واليوم أتبهدل حالك يادراما
نزلتي من فوق
وبرجك هالعاجي اتدندل
لتحت انهار
******************
عنا فطاحل دراما
متلن ما في
وكانت أعمالن والله
شيء خرافي
وهلق منتج اتشنفخ
وقلنا كافي
نجومنا الله واسم الله
منتجنا حمار
*******************
بدو يوفر ويخنصر
بالتكاليف
وصى مساعدو وقللو
خليك حرريف
هادا المنتج مؤكد
خريج كنيف
قصدو يعبي جيوبو
وللدراما دمار
******************
المابيعرف طه من طاكه
وعندو مال
دخل الساحه هالزلمه
وع الدراما مال
بدو يطبل ويزمر
ويجمع اموال
ودهب ولولو وخلافو
شي بالقنطار
******************
فين المراقب الهوه
صاحب القرار
لاتسأل عنو لك عمو هادا
ضهرو دار
مابيمضي إلا ت يقبض
عقده بمنشار
لما بتدفعلو بتلاقي
المابصير صار
*******************
والثقافه الكانت فيكي
يادراما
منتجنا أفندي اللي تسبب
بإعداما.
دراما كانت وماتت
انعوا أياما
كانت حرير انبدلت
بشوك صبار
*****************
شعر ؛ نذير دهان
تعليقات
إرسال تعليق