زنديق قللي يفضح دينك للشاعر نذير دهان
زنديق قللي يفضح دينك
*************************
ياريت ديني ع طول مفضوح
وريحتو عزه وكرامة تفوح
ما دعا عليي دعا على حالو
من غضب الله فين بدو يروح
************************
مسلم ديني عز وكرامة
وعدل وعمرو ماكان ذليل
أمو محبه وأختو شهامة.
وسيدو محمد وجدو خليل
ويللي كفرت ماتخشى ملامه
مدحتو لديني بكلام جميل
لا لا تخشى ماعليك ملامه
داويت بقلبي كلشي جروح
**************************
مدحتو لديني لما حكيتا
ومانك عارف اش بتقول
روحي عطشانه بهالكلمة رويتا
بفيض من فرحه جرت سيول
دعوه ياربي اسمعتا هويتا
دقة قلبي صارت طبول
الكعبه بنومي م الفرحه لقيتا
عما بتبكي وصارت تنوح
*************************
قالت صلوا وصوموا وزكوا
واشكروا الله ليل نهار
ودايما أشكوابحرقه أبكوا
لرب جليل كريم غفار
كلشي هموم بقلوبكن تجلوا
يارب احمينا من شر النار
واوعوا لو لحظه وحده تشكوا
بعدل إله كريم وسموح
***************************
شعر ؛ نذيردهان
تعليقات
إرسال تعليق